Toshkentda 28-iyul kuni havo harorati +34 darajagacha pasayadi, yomg‘ir yog‘ishi va kuchli shamol bo‘lishi mumkin
28-iyul, payshanba kuni butun O‘zbekiston bo‘ylab kuchli shamol kuzatiladi, ayrim hududlarda yog‘ingarchilik va momaqaldiroq kuzatilishi mumkin. Bu haqda “O‘zgidromet” markazi xabar bermoqda.
Xabar berishlaricha, payshanbaga o‘tar kechasi O‘zbekistonning tog‘li hududlarida +17...+22 daraja, Farg‘ona vodiysi viloyatlarida +22...+27 daraja, Qashqadaryo va Surxondaryo viloyatlarida +23...+28 daraja, qolgan hududlarda, jumladan, Toshkent shahrida +25 darajagacha iliq bo‘ladi.
28-iyul kuni kunduzi tog‘li hududlarda +22...+27 daraja iliq, Qoraqalpog‘iston Respublikasi va Xorazm viloyatida +28...+33 daraja, Toshkent shahrida +32...+34 daraja, Farg‘ona vodiysi viloyatlarida +30...+35 daraja iliq bo‘ladi.
Shu kuni Toshkent, Samarqand, Jizzax, Sirdaryo viloyatlarida havo harorati +32...+37 daraja, Buxoro va Navoiy viloyatlarida +33...+38 daraja, Qashqadaryo va Surxondaryo viloyatlarida esa +35...+40 daraja issiq bo‘lishi kutilmoqda.
28-iyulga o‘tar kechasi va 28-iyul kuni kunduzi butun O‘zbekiston bo‘ylab shamol tezligi soniyasiga 15—20 metrgacha kuchayishi mumkin. Bundan tashqari, tog‘li hududlarda, Toshkent, Samarqand, Jizzax, Sirdaryo, Andijon, Namangan, Farg‘ona viloyatlari va Toshkent shahrida qisqa muddatli yomg‘ir yog‘ishi va momaqaldiroq bo‘lishi mumkin.
Rekord: Termizda 26-iyul kuni havo harorati +46 darajaga ko‘tarildi
Toshkentda havo haroratining issiqligi bo‘yicha 1913-yilgi rekord yangilandi
