Dasturchi Ahmad al-Mutava ommabop Pokemon Go onlayn-o‘yiniga buzib kirib, berilgan koordinatalar yaqinida joylashgan va Google Maps’da aks etadigan barcha virtual pokemonlarni topdi, deb yozadi Afisha. Bu haqda u IT-loyihalar xostingi uchun GitHub maxsus virtual servisida gapirib berdi va u yerga Pokemon Go uchun skriptning boshlang‘ich kodini joyladi.
Al-Mutava Pokemon Go’ga boshlang‘ich skript kodi yordamida buzib kirish jarayonini qadam-baqadam tushuntirib berdi. Pokemon Go server har qanday koordinatalardan berilgan so‘rovga javoban yaqin orada joylashgan barcha “cho‘ntak maxluqlari”ning joylashgan o‘rni haqidagi ma’lumotlarni ochiqdan-ochiq jo‘natishi tufayli, poke-masterlar uchun layfxak yaratish mumkin bo‘ldi.
Nashr ta’kidlashicha, bu “usul” uzoqqa bormaydi. O‘yinni ishlab chiquvchilar pokemon ovchilari halol o‘ynashi ustidan nazorat qiladi. Chunonchi, uydan chiqmay o‘ynash uchun soxta GPS-ma’lumotlardan foydalanadigan o‘yinchilar bloklab qo‘yiladi.
Pokemon Go — 2016-yilda chiqarilgan biryo‘la ko‘p foydalanuvchilar bilan birga o‘ynaladigan o‘yin. Uning maqsadi pokemonlarni qidirish va qo‘lga o‘rgatishdan iborat. O‘yinga to‘ldirilgan reallik elementlari kiritilgan, unda raqamli va real olam qo‘shilib ketadi: smartfon ekranidagi rasm real olamdagi obyektlarda aks etadi. Ayni paytda o‘yin 15 million martadan ko‘proq yuklab olindi, undan har kuni 20 million kishi foydalanadi.
Izoh (0)