AQShda Volata Cycles kompaniyasi dunyodagi eng “aqlli” velosipedni taqdim etdi, u harakatlanish uchun zarur bo‘lgan barcha elektronika uskunalari bilan jihozlangan, deb yozadi “Korrespondent.net”.
Velosiped yengillashtirilgan alyuminiy rama, shuningdek, boshqa modellarnikidan kengroq bo‘lgan uglerod vilkasiga ega. Shuning hisobiga velosipedga enliroq g‘ildiraklarni o‘rnatish mumkin.
Peredacha (harakatni mashinaning bir qismidan boshqa qismiga o‘tkazuvchi mexanizm)lar mexanik tarzda emas, maxsus Shimano Alfin elektron tizimi yordamida uzatiladi, bu qulaylik yaratib, ancha kamroq kuch talab qiladi. Ushbu tizim orqa vtulkaga uning yeyilishini sekinlashtirish uchun o‘rnatilgan.
Shuningdek, velosiped qo‘sh yorug‘lik diodli tizimga ega, u yorug‘lik va namlik datchiklarini o‘z ichiga oladi. U ob-havo sharoitlarini aniqlaydi, shundan kelib chiqib, shaxsiy transport yorug‘ligini mustaqil ravishda moslashtiradi.
Izoh (0)