Xitoyning Weibo ijtimoiy tarmog‘ida hali taqdim etilmagan Apple smartfonining ekrani yoqilgan holatdagi ko‘rinishi paydo bo‘ldi. Oldinroq tarqalgan ovozalarga ko‘ra, bu Plus yoki Pro modifikatsiyasi emas, aynan iPhone 7 qurilmasidir, deya xabar beradi “Hi-Tech Mail.ru”.
Suratlar smartfon iPhone 6s’ga nisbatan kattalashgan kameraga ega bo‘lishiga asos beradi. Shuningdek, antennalar ustidagi plastik qo‘yilmalar orqa yuzadan yon tomonga yaqinroq siljiydi, bu esa qurilma dizayniga uyg‘unlik bag‘ishlaydi.
Asosiy savol — iPhone 7 3,5 millimetrli portdan mahrum bo‘lib, uning o‘rnida ikkinchi dinamik paydo bo‘lishi yoki yo‘qligiga foto javob bermaydi. Apple’ning yangi smartfonlari taqdimoti sentabr boshida bo‘lib o‘tadi, ekspertlarning aksariyati portdan voz kechilishini taxmin qilmoqda.
Ijtimoiy tarmoqdagi boshqa manba kattalashgan kamera va to‘rt rangdagi Smart Connector bo‘linmasiga ega iPhone 7 Pro suratini namoyish etdi.
Izoh (0)