Facebook kompaniyasi quyosh batareyalarida harakatlanuvchi Aquila uchuvchisiz samolyotini muvaffaqiyatli tarzda sinovdan o‘tkazdi, deb yozadi “RBK”. Bu haqda ijtimoiy tarmoq asoschisi Mark Sukerberg Facebook’dagi sahifasida ma’lum qildi.
Qurilma olis hududlardagi aholini internetga ulashga mo‘ljallangan. Uchuvchisiz samolyotlar flotini yaratish kompaniyaning butun dunyo bo‘ylab milliardlab kishilarni internet bilan ta’minlash bo‘yicha rejasining bir qismi hisoblanadi.
Sukerberg aytishicha, kompaniya muhandislari samolyot ustida ikki yil ishlagan. Uning korpusi ko‘mir plastikdan ishlangan bo‘lib, qanotlari qulochi Boeing 737’nikidan kattaroq. Sinovlar Arizona shtatida olib borildi.
Signal uzatish uchun Aquila lazerdan foydalanadi, bu axborot almashish tezligi zamonaviy tizimlarnikidan ko‘ra o‘n marta oshiqroq bo‘lishini ta’minlaydi.
Izoh (0)