Nitssa kasalxonalarida shaharda 14-iyul kuni ro‘y bergan terakt oqibatida jabrlanganlardan 74 kishiga tibbiy yordam ko‘rsatishda davom etilmoqda. Ulardan 19 nafari og‘ir holatda. Bu haqda Parij prokurori Fransua Molens ma’lum qildi, deya xabar beradi “TASS”.
“Hozirgi kunda 83 kishi halok bo‘lganligi tasdiqlangan. 74 kishi kasalxonada, ulardan 28 nafari jonlantirish bo‘limida, 19 kishi og‘ir holatda”, — deya ta’kidladi Molens.
Prokuror 71 nafar qurbonning qoldiqlari rasman aniqlanganini bildirdi. 18-iyul, dushanba kuni ulardan birinchisining jasadi dafn etish uchun yaqinlariga berildi.
Izoh (0)