Checheniston rahbari lavozimini vaqtinchalik bajaruvchi Ramzan Qodirov Madinadagi Muhammad (s.a.v.) masjidi yaqinida sodir bo‘lib, to‘rt kishini hayotdan olib ketgan terakt haqidagi xabarlardan so‘ng, Saudiya Arabistoni hukumatiga terrorchilikka qarshi kurashda hamkorlikni taklif qildi, deb yozadi “TASS”.
“Men Saudiya Arabistoni qiroli Salmon bin Abdul Aziz Al Saud va qirollik mudofaa vaziri, valiahd shahzoda Muhammad bin Salmonga chuqur hamdardlik izhor etaman. Biz yordam qo‘lini cho‘zishga tayyormiz va hamkorlik taklif qilamiz!” — deb yozdi Qodirov o‘z Instagram’ida.
Uning ta’kidlashicha, terrorizmni faqat birgalikda harakat qilish orqaligina yo‘q qilish mumkin.
Eslatib o‘tamiz, Saudiya Arabistonining Madina shahridagi musulmonlar uchun tabarruk – Muhammad (s.a.v) masjidi yaqinida mamlakat xavfsizlik xizmatining 4 nafar xodimi xudkush terrorchilarning qurboniga aylandi.
Izoh (0)