Чеченистон раҳбари лавозимини вақтинчалик бажарувчи Рамзан Қодиров Мадинадаги Муҳаммад (с.а.в.) масжиди яқинида содир бўлиб, тўрт кишини ҳаётдан олиб кетган теракт ҳақидаги хабарлардан сўнг, Саудия Арабистони ҳукуматига террорчиликка қарши курашда ҳамкорликни таклиф қилди, деб ёзади «ТАСС».
«Мен Саудия Арабистони қироли Салмон бин Абдул Азиз Ал Сауд ва қироллик мудофаа вазири, валиаҳд шаҳзода Муҳаммад бин Салмонга чуқур ҳамдардлик изҳор этаман. Биз ёрдам қўлини чўзишга тайёрмиз ва ҳамкорлик таклиф қиламиз!» — деб ёзди Қодиров ўз Instagram’ида.
Унинг таъкидлашича, терроризмни фақат биргаликда ҳаракат қилиш орқалигина йўқ қилиш мумкин.
Эслатиб ўтамиз, Саудия Арабистонининг Мадина шаҳридаги мусулмонлар учун табаррук – Муҳаммад (с.а.в) масжиди яқинида мамлакат хавфсизлик хизматининг 4 нафар ходими худкуш террорчиларнинг қурбонига айланди.
Изоҳ (0)