Inson huquqlari bo‘yicha BMT Kengashi o‘z fuqarolari uchun internetga kirish imkoniyatini cheklovchi mamlakatlar qoralangan rezolyutsiyani qabul qildi, deb yozadi “Gazeta.ru”. Rezolyutsiya “kishilar oflaynda ega bo‘lgan huquqlarga onlaynda ham rioya qilinishi kerak”ligi haqidagi avvalgi bayonotga tayanadi.
Kengashning ko‘pchilik a’zolari ushbu rezolyutsiya qabul qilinishini yoqlab ovoz berdi, Rossiya, Xitoy, Saudiya Arabistoni, Janubiy Afrika va Hindiston esa unga qarshi chiqdi.
Bunday rezolyutsiyalar faqat tavsiyaviy xususiyat kasb etib, yuridik kuchi bo‘lmasa-da, ular katta siyosiy kuchga ega hamda ko‘pincha BMTga a’zo mamlakatlar hukumatlariga bosim o‘tkazishning samarali usuli hisoblanadi.
Izoh (0)