KXDRning yadro va raketa ishlanmalariga javoban kiritilgan xalqaro sanksiyalar fonida Pxenyanda 35 dan 70 qavatgacha bo‘lgan osmono‘par binolar qad ko‘tarmoqda, deb yozadi “RIA Novosti” “Ryonxap” agentligiga tayanib. U esa o‘z navbatida Shimoliy Koreya OAVlariga asoslanmoqda.
Shimoliy Koreya Pxenyandagi Ryomyon ko‘chasida 100 ta yangi uy qurilishi rejasini taqdim etdi, ulardan 40 tasi fuqarolar istiqomat qilishi uchun mo‘ljallangan, qolganlari esa ofis inshootlari bo‘ladi.
Shu paytgacha KXDRda 70 qavatli turar-joylar barpo etilmagan, ammo mahalliy quruvchilar “kelajak olimlari ko‘chasi”ni yaratishda erishgan yutuqlardan foydalanmoqchi.
Pxenyandagi yangi osmono‘par binolar ko‘chasi aprel oyidan mamlakat yetakchisi Kim Chen In ko‘rsatmasiga binoan qurila boshladi, u shu yil qurib bitkazilishi kutilmoqda.
Izoh (0)