Afg‘oniston sharqidagi Nangarxar provinsiyasida aviazarbalar natijasida IShID radikal guruhining kamida 16 nafar jangarisi yo‘q qilindi. Bu haqda mamlakat mudofaa vazirligiga tayanib, Khaama Press agentligi xabar berdi, deb yozadi “RIA Novosti”.
Shuningdek, vazirlik bayonotida aytilishicha, havo operatsiyasi chog‘ida jangarilarning transport vositasi va qurol-yarog‘lari ham yo‘q qilingan.
Afg‘onistondagi vaziyat so‘nggi oylarda sezilarli ravishda yomonlashdi. Bungacha mamlakat qishloq hududlarining ko‘p qismini bosib olgan “Tolibon” harakati yirik shaharlarga hujum boshladi. Shuningdek, mamlakat hududidagi IShID ta’siri ham o‘sdi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)