Afg‘oniston poytaxti Kobulda 30-iyun, payshanba kuni xudkush terrorchi tomonidan askarlikka endi chaqirilganlarni olib ketayotgan avtobusga hujum uyushtirildi. Bu haqda, TOLOnews telekanali ma’lumotiga tayanib, “TASS” xabar bermoqda.
Afg‘oniston rasmiylari terakt oqibatida 27 kishi halok bo‘lgani, 40 ga yaqin kishi yaralanganini tasdiqladi.
Xudkush terrorchi Kobul — Qandahor yo‘lida askarlikka chaqirilganlarni olib ketayotgan avtobus yaqinida o‘zini portlatib yuborgani aytilmoqda.
Mamlakatdagi hech bir terrorchilik guruhi hujum uchun javobgarlikni zimmasiga olmadi.
Izoh (0)