AQSh prezidenti Barak Obama Turkiya prezidenti Toyyib Erdo‘g‘on bilan telefon orqali suhbatlashdi, deb yozadi “Gazeta.ru” Oq uy matbuot xizmatiga tayanib.
Obama Amerika xalqi nomidan Turkiyaga Istanbul aeroportidagi terakt munosabati bilan hamdardlik izhor etdi.
AQSh prezidenti Erdo‘g‘on va mamlakat ma’muriyatining Isroil bilan aloqalarni normallashtirishga intilishlari, shuningdek, Rossiya bilan keskin munosabatlarni yumshatishga qaratilgan qadamlarini yuqori baholadi.
Bundan tashqari, Obama Turkiyaga Istanbuldagi teraktni tekshirishda yordam taklif qildi.
Avvalroq Erdo‘g‘on Putin bilan G20 sammitida uchrashishini tasdiqlagan edi.
Izoh (0)