Yamandagi inqirozni bartaraf etish tomonlari hukumati Kolumbiya Inqilobiy qurolli kuchlari (FARC) bilan tinchlik shartnomasi imzolagan Kolumbiyadan o‘rnak olishi lozim. Bu haqda BMT bosh kotibi Pan Gi Mun Kuvaytda Yamanning ikki delegatsiyasi bilan uchrashuvi chog‘ida ma’lum qildi, deya xabar beradi “TASS”.
“Bu yerga Kolumbiya hukumati va Inqilobiy qurolli kuchlar o‘zaro shartnoma imzolagan Gavanadan keldim. Mazkur shartnoma uzoq davom etgan kurashga barham berdi. Vaholanki, minglab kishilar bu kurash qurboni bo‘lgan, ko‘pchilik mamlakatda tinchlik o‘rnatilishidan umidini uzib qo‘ygandi”, — deya ta’kidladi Pan Gi Mun.
Bosh kotib Kuba poytaxtida imzolangan kelishuv siyosiy yarashuvga moyillikni namoyish etib, qurolli mojarolarni bartaraf qilish mumkinligiga yaqqol dalil ekanligini bildirdi.
Izoh (0)