Xitoy moliya vaziri: Britaniyaning Yevroittifoqdan chiqishi 5–10 yil ichida salbiy ta’sirini ko‘rsatadi

Buyuk Britaniyadagi Yevroittifoqdan chiqish bo‘yicha referendum natijalari bozorlarda 5–10 yil ichida o‘z ta’sirini bildiradi. Bu haqda Xitoy moliya vaziri Lou Szivey ma’lum qildi, deb xabar beradi “RBK”.

Szivey Osiyo infrastruktura investitsiyalari bankining yillik yig‘ilishi chog‘ida bozorlarning mazkur yangilikka munosabatini bashorat etish qiyinligini bildirib, hozirgi munosabatlarni “shoshilinch va ortiqcha” deb atadi va “tinchlanish hamda vaziyatga xolis baho berish”ga chaqirdi.

Shu bilan birga, Xitoy moliya vaziri Brexit bo‘yicha qaror “global iqtisodiyotga soya solishi, uning oqibatlari va salbiy effekti esa keyingi 5–10 yil mobaynida bilinishi”ni ta’kidladi.