Misr birjasida haftalik savdolarning ochilishi Buyuk Britaniyaning Yevroittifoqdan chiqishi bo‘yicha referendum yakunlari fonida yirik ko‘lamdagi pasayish bilan tugadi. Dastlabki ikki daqiqaning o‘zida birja 14 milliard Misr funti (1,576 milliard dollarga yaqin) yo‘qotdi. Bu haqda “TASS” xabar bermoqda.
Mamlakatning bosh fond maydoni savdolar yakuniga kelib 16,3 milliard Misr funti (1,835 milliard dollar atrofida) yo‘qotdi va salkam 14 hafta mobaynida eng past ko‘rsatkichni qayd etdi. 30 ta asosiy kompaniya ishlab chiqarishini aks ettiruvchi EGX30 indeksi 5,54 foizga pasaydi.
Shuningdek, boshqa kompaniyalar, kichik va o‘rta biznes korxonalari indekslarining ham sezilarli darajada pasayishi kuzatildi. Jumladan, EGX70 2,67%, umumiy EGX100 indeksi esa 3,27 foizga pasaydi.
Izoh (0)