Yevroittifoq tarafdorlari so‘nggi umid uchquni sifatida qabul qilayotgan, referendumni qaytadan o‘tkazish uchun petitsiya “Ingliz demokratlari” millatchilik tashkiloti aktivisti Uilyam Xili tomonidan tuzilgan, deb yozadi “RBK”.
U o‘z Facebook’ida aniqlik kiritishicha, petitsiya 23-may kuni tuzilgan, o‘shanda so‘rovlar Buyuk Britaniyaning Yevroittifoqqa a’zoligini saqlab qolish tarafdorlari ustunligini ko‘rsatgan edi. “O‘sha vaqtda biz yakunda g‘olib chiqishimiz uchun hech qanday kafolat yo‘q edi”, — deya tan oldi millatchi.
Oxir-oqibat petitsiya 3 milliondan ortiq ovoz to‘pladi, Metro nashri ta’kidlashicha, uni Xili kabi hamma vaziyatga tayyor turishga qaror qilgan Brexit tarafdorlari ham imzolagan bo‘lishi mumkin.
Izoh (0)