Panamada shu nomli kanalning rekonstruksiya va ta’mirlash ishlari yakunlanganiga bag‘ishlangan tantanali tadbirga hozirlik ko‘rilmoqda. Uning asosiy voqealari 26-iyun, yakshanba kuni kanalning Atlantika tomonidagi Agua-Klarada va Tinch okeani yaqinidagi Kokolida bo‘lib o‘tishi ko‘zda tutilgan, deb xabar beradi “Interfaks”.
Tantanani mamlakat prezidenti Xuan Karlos Varela ochib beradi. Unda o‘n minglab tashrifchilar va mehmonlar, jumladan, dunyoning turli davlat va hukumat rahbarlari ishtirok etadi. Shu munosabat bilan mislsiz xavfsizlik choralari ko‘rilmoqda. Xususan, tartib saqlash uchun 10 mingdan ortiq harbiy xizmatchi jalb etilgan. Kanal bo‘ylab parvozlar, video yoki foto olish uchun uchuvchisiz uchish qurilmalaridan foydalanish man etilgan.
Yangilangan sun’iy suv yo‘lidan o‘tadigan birinchi kema Xitoy kompaniyasiga tegishli Cosco Shipping Panama konteyner tashuvchisi bo‘lishi kutilmoqda.
Izoh (0)