IShID guruhini tuzganlarning asosiy maqsadi Eronni yo‘q qilish edi. Bu haqda 25-iyun, shanba kuni Eron diniy yetakchisi oyatulloh Ali Xomanaiy ma’lum qildi, deb xabar beradi “TASS”.
“IShID asosiy vazifa — Eronni zabt etish va yo‘q qilish uchun yaratilgan. Iroq va Shom (Suriyaning qadimiy nomi) mazkur maqsadga erishish uchun tayyorgarlik bosqichi bo‘lgan, xolos. Biroq bu urushda Eron dushmanlari mag‘lubiyatga uchraydi, chunki ular Islom Respublikasi ega bo‘lgan qudratga yetarlicha baho bermayapti. Mamlakatimiz uni taslim etmoqchi bo‘lganlarning o‘zini tiz cho‘ktiradi”, — ta’kidladi Xomanaiy Tehrondagi chiqishi chog‘ida.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)