Панамада шу номли каналнинг реконструкция ва таъмирлаш ишлари якунланганига бағишланган тантанали тадбирга ҳозирлик кўрилмоқда. Унинг асосий воқеалари 26 июнь, якшанба куни каналнинг Атлантика томонидаги Агуа-Кларада ва Тинч океани яқинидаги Коколида бўлиб ўтиши кўзда тутилган, деб хабар беради «Интерфакс».
Тантанани мамлакат президенти Хуан Карлос Варела очиб беради. Унда ўн минглаб ташрифчилар ва меҳмонлар, жумладан, дунёнинг турли давлат ва ҳукумат раҳбарлари иштирок этади. Шу муносабат билан мислсиз хавфсизлик чоралари кўрилмоқда. Хусусан, тартиб сақлаш учун 10 мингдан ортиқ ҳарбий хизматчи жалб этилган. Канал бўйлаб парвозлар, видео ёки фото олиш учун учувчисиз учиш қурилмаларидан фойдаланиш ман этилган.
Янгиланган сунъий сув йўлидан ўтадиган биринчи кема Хитой компаниясига тегишли Cosco Shipping Panama контейнер ташувчиси бўлиши кутилмоқда.
Изоҳ (0)