Frankfurt Main Finance guruhi Buyuk Britaniyadagi referendum natijalari tufayli Londonni tark etish istagidagi bankir va moliyachilar uchun shoshilinch aloqa liniyasini ochdi. Bu haqda guruh boshqaruvchi direktori Xubertus Vetga tayanib, The Wall Street Journal xabar berdi, deb yozadi “RBK”.
“‘Xush kelibsiz!’ banneri o‘rnatib bo‘lindi, Frankfurt eshiklari esa keng ochiq”, — dedi Vet.
Nashr eslatishicha, avvalroq Financial Times o‘z manbasiga asoslanib, Buyuk Britaniya Yevroittifoq tarkibidan chiqishni yoqlab ovoz bergan taqdirda, AQSh va Shveysariyadagi besh-oltita bank o‘z xodimlarini Londondan Frankfurtga ko‘chirishni rejalashtirayotganini ma’lum qilgan edi.
Eslatib o‘tamiz, referendum davomida saylovchilarning ko‘pchilik qismi Buyuk Britaniyaning YeI tarkibidan chiqishini yoqlab ovoz berdi.
Izoh (0)