Venetsiyaning (Italiya) Adriatika dengizi sohilidagi Yezolo kurortiga kelgan sayyohlar quyosh vannalari olishlariga yomg‘ir xalaqit bergudek bo‘lsa, buning uchun tovon oladi. Bu haqda La Nuova Venezia xabar bermoqda.
“Oftobda toblaning yoki pulingiz qaytariladi” taklifi 24-iyun, juma kunidan boshlab kuchga kirdi. Kurort plyajlarida to‘shamalar ijarasi narxi kuniga 13 dan 18 yevrogacha bo‘lishi ko‘zda tutilgan. Qirg‘oqda joy band qilgan kuni soat 11 dan 17 bo‘lgan muddatda uch millimetrdan oshiq yog‘in tushsa, sayyoh mazkur xizmatga sarflagan pulini qaytarib olishi mumkin.
Yezolo turizm departamenti noqulay ob-havo mintaqaning dam olish mavsumi borasidagi rejalarini buzayotgani sababli sayyohlar sonini ko‘paytirish uchun shunday qaror qabul qildi.
Izoh (0)