21-iyun, seshanba kuni taxminan 8:45 da Toshkentning Grand Mir mehmonxonasi qarshisidagi aylana yo‘lda yo‘nalishli taksi ishtirokida yo‘l-transport hodisasi sodir bo‘ldi, deb yozadi “Gazeta.uz”.
“Oybek” metro bekati tomonidan kelayotgan “Gazel” mikroavtobusiga aylana yo‘ldan kelayotgan Spark to‘qnashib ketdi. Yengil avtomobil haydovchisi yo‘l ochiqligini tekshirmaganligi yoki tez o‘tib ketishiga ishonganligi taxmin qilinmoqda.
Guvohlardan biri nashrga ma’lum qilishicha, “Gazel” haydovchisi avariya oldini olishga va mashinani o‘ngga burishga uringan, biroq to‘qnashuv baribir yuz bergan, natijada mikroavtobus, Spark’ning yon tomondan bergan zarbasidan so‘ng, ag‘darilib ketgan.
“Ko‘plab haydovchilar to‘xtab, ‘Gazel’ni ko‘tarmoqchi bo‘ldi, biroq bu qo‘llaridan kelmadi. So‘ng ular yo‘lovchilarni chiqarish uchun oynalarni sindira boshladi”, — dedi guvoh.
Bir kishidan tashqari, barcha yo‘lovchilar oynalar orqali tashqariga chiqib oldi. Unga “tez yordam” mashinasi yetib kelgunicha tegmaslikka qaror qilishdi.
Spark haydovchisi, ehtimol, shok tufayli mashina ichida qolgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)