Pentagon Rossiyaga nisbatan “tiyib turish” strategiyasini davom ettiradi. AQSh mudofaa vaziri Eshton Karter Vashingtondagi xavfsizlik masalalari bo‘yicha anjumanda buni tasdiqladi, deya xabar beradi “TASS”.
“‘Sovuq urush’ yakunlanganidan beri hamkorlikda erishilgan munosabatlardagi taraqqiyotga qaramay, Rossiya keyingi yillarda Ukraina, Gruziya va Moldova hududiy yaxlitligini buzishi, havo, koinot va kiberkenglikda o‘zini professionallarga xos bo‘lmagan tarzda tutishi, yadro quroli bilan dag‘dag‘a qilishi tufayli biz, NATO bo‘yicha ittifoqdoshlarimiz, xalqaro hamjamiyat va Rossiyaning o‘ziga yaxshigina xizmat qilib kelgan xalqaro tartib tamoyillarini buzishga ahd qilgan ko‘rinadi”, — deya ta’kidlagan Karter.
Vazirning bildirishicha, AQSh va NATO Rossiya chegaralari yaqinidagi ishtirokini bundan keyin ham kuchaytirishda davom etadi.
“Imkoniyatlarimiz, marralarimiz, investitsiyalar, rejalar, do‘stlarimiz va ittifoqdoshlarimizni kuchaytiramiz. Shu bilan birga, manfaatlarimiz to‘qnash kelgan nuqtalarda Rossiya bilan hamkorlikda ishlash uchun eshiklarimiz doimo ochiq bo‘ladi”, — deya izoh bergan Pentagon rahbari.
Izoh (0)