Muhojirlar bilan bog‘liq inqirozga munosabat choralari xalqaro huquq, shuningdek, kamsitish va boshpana izlayotgan kishilarni majburiy qaytarishdan voz kechishga asoslanishi lozim. Bu haqda 20-iyun, dushanbada Xalqaro qochoqlar kuni munosabati bilan BMT bosh kotibi Pan Gi Mun ma’lum qildi, deya xabar beradi “TASS”.
“Biz qochoqlar va muhojirlar hibsga olinishi holatlari xavotirli darajada oshib borayotgani, shuningdek, to‘siqlar qurilishini kuzatmoqdamiz”, — deya ta’kidlagan bosh kotib. Uning aytishicha, 2015-yili 1 milliondan oshiq kishi Yevropada yangi hayot boshlash umidida O‘rtayer dengizini kesib o‘tdi.
BMT qochoqlar ishi oliy komissari boshqarmasi ma’lumotlariga ko‘ra, o‘tgan yil oxirida dunyoda uyini majburiy tark etganlar soni 65,3 million kishini tashkil etgan, bu 2014-yilga nisbatan 6 million kishiga ko‘p. Mazkur raqamga izoh berar ekan, bosh kotib bu boradagi “vaziyat misli ko‘rilmagan ko‘lamga yetgani”ni bildirdi.
Izoh (0)