«Лукойл» компанияси вице-президентининг ўғли Руслан Шамсуаров полициячиларга бўйсунмаганлик учун 15 сутка маъмурий ҳибс кўринишидаги жазони ўтади, дея хабар бермоқда «Ведомости».
12 июнь, якшанба куни Шамсуаров маъмурий жазога маҳкум этилган шахсларни сақлаш учун иккинчи махсус қабулхонани тарк этди. «ТАСС» ёзишича, «Лукойл» вице-президенти ўғлини икки қўриқчи ва ҳайдовчи билан Volkswagen Minivan кутиб олган. Йигит адвокати ҳамроҳлигида автомобилга ўтирган ва журналистлар саволларига жавоб беришдан бош тортган.
Икки ҳафта аввал интернетда бир гуруҳ ёшлар Mercedes-Benz G-class йўлтанламасида полиция ходимлари кўз олдида йўл қоидаларини бузган ҳолда кўнгилхушлик қилаётгани акс этган видео пайдо бўлди. Улар катта тезликда яхлит чизиқларни кесиб ўтиб, тротуар ва газонларга чиқиб кетган. «Пойгачи»ларни олти соатдан кейингина қўлга туширишди. Улардан уч нафарига 15 суткалик, қолган бир кишига 10 суткалик маъмурий ҳибс белгиланди.
Изоҳ (0)