Франция Фаластин—Исроил музокараларини тиклашнинг икки босқичдан иборат режасини таклиф этади. Бу ҳақда 15 май, якшанба куни мамлакат ташқи ишлар вазири Жан-Марк Эро маълум қилди, дея хабар беради «Интерфакс».
Исроил бош вазири Биньямин Нетаньяху ва Фаластин миллий маъмурияти раҳбари Маҳмуд Аббос билан алоҳида ўтказилган музокаралардан кейин Эро 30 майга белгиланган вазирлар даражасидаги учрашувдан сўнг кузда кенг доирадаги халқаро тинчлик конференцияси бўлиб ўтиши лозимлигини билдирди.
«Икки томон ўртасидаги музокаралар музлатилган, шу сабабли ташқи кучлар аралашуви зарур. Чунки вазият борган сари ёмонлашиб бормоқда», — дея таъкидлаган Франция ташқи ишлар вазири.
Исроил ва Фаластин етакчиларининг май ойидаги учрашувда иштироки кўзда тутилмаган, лекин улар куздаги анжуманга таклиф этилган.
Изоҳ (0)