Ispaniyaning “Barselona” klubi hujumchisi Luis Suares La Liganing 2015/16-yilgi mavsumi yakuniga ko‘ra 40 ta gol kiritishga muvaffaq bo‘ldi. Buning uchun urugvaylik futbolchiga 35 ta bellashuv kifoya qildi.
“Chempionat” ma’lumotiga ko‘ra, Lionel Messi 2011/12-yilgi mavsumda 50 ta gol urishga muvaffaq bo‘lgan. Bu ko‘rsatkich 2012/13-yilgi mavsumda 46 tani, 2014/15-yilgi chempionatda esa 43 tani tashkil qilgan.
Krishtianu Ronaldu mos ravishda 2010/11-yilgi mavsumda 40 ta, 2011/12-yilda 46 ta va 2014/2015-yilgi chempionatda 48 ta gol urishga erishgan.
Joriy mavsum yakuniga ko‘ra Krishtianu Ronaldu 35 ta gol urib (36 ta o‘yinda), to‘purarlar poygasida ikkinchi bo‘ldi. Lionel Messi esa 26 ta gol (33 ta o‘yinda) bilan kuchli uchtalikka kirdi.
Karim Benzema hamda Neymarga 24 tadan gol urish nasib qildi. Neymar buning uchun 34 ta o‘yinda maydonga tushdi. Benzema esa bor-yo‘g‘i 27 ta uchrashuvda ishtirok etdi.
Izoh (0)