Iroq politsiyasi Bag‘dodda teraktlar uyushtirish uchun tayyorlab qo‘yilgan va portlovchi moddalar joylashtirilgan uchta mashinani aniqladi. Poytaxt politsiyasi vakilining ma’lum qilishicha, mashinalar zararsizlantirilgan, deya xabar beradi “TASS”.
Ekstremistlar tomonidan oldinroq Bag‘dodda minalashtirilgan mashinalar yordamida sodir etilgan uchta portlash 90 kishini hayotdan olib ketdi. Ulardan eng yirigi asosan shialar istiqomat qiladigan Madinat as-Sadr tumanidagi bozorda ro‘y berdi va 65 kishining umriga zomin bo‘ldi, 85 kishi jarohatlandi. 25 kishi nobud bo‘lgan va 70 dan ortiq kishi yaralangan yana ikki portlash Iroq poytaxti shimoli va g‘arbida sodir bo‘ldi.
Barcha teraktlar uchun javobgarlikni IShID o‘z zimmasiga oldi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)