Yaponiyada yangi tug‘ilgan chaqaloqning barchaga xush yoquvchi hidi asosida noyob Poupon Pure atiri yaratildi.
Tadqiqotlar va mahsulot haqida
Mahsulot Kobe universitetida olib borilgan olti yillik tadqiqotlar natijasi bo‘ldi. Kobe universitetining ta’m va hid fiziologiyasi bo‘yicha faxriy professori Mamiko Odzaki boshchiligidagi jamoa taxminan 20 nafar yangi tug‘ilgan chaqaloqning hid namunalarini to‘pladi. Bu borada Hamamatsu universitetining tibbiyot maktabi shifokorlari hamda homilador va yaqinda ona bo‘lgan ayollar bilan hamkorlikda ish olib borildi. Natijada ushbu hidni aniqlovchi 37 ta komponent ajratib olindi.
Atirga Poupon Pure nomi berilgan va u nafaqat parfyum sifatida, balki uyqudan oldin yoki meditatsiya vaqtida dam olish vositasi sifatida ham foydalanilmoqda.
Hozirda barcha mahsulotlar sotilib bo‘lingan va flakonni faqat oldindan buyurtma berish orqali olish mumkin. Uning narxi 5 ml uchun 20 dollar. Yangi yetkazib berishlar avgust o‘rtalaridan sentyabr boshigacha kutilmoqda.
Izoh (0)