Chevrolet kompaniyasi Germaniyaning Nyurburgring poyga trassasida Camaro kupesining ekstremal modifikatsiyasini sinovdan o‘tkazishga kirishdi, deya xabar bermoqda Motor. Sinov prototipi Trans Am deb nom olishi kutilmoqda.
Trans Am versiyasi birinchi avlod Camaro Z/28’da birinchi marta 1960-yillar oxirida paydo bo‘lgan edi. Bu Trans-Am chempionatida qatnashish uchun yaratilgan sportkarlar seriyasi bo‘lib, ular besh litrli sakkiz silindrli dvigatel bilan jihozlangan edi.
Chevrolet Trans Am modifikatsiyasini qayta yaratish imkoniyatini ko‘rib chiqayotgani haqidagi ma’lumotni o‘tgan yili General Motors’ning yangi mahsulotlarni global tarzda rejalashtirish bo‘linmasi rahbari Mark Reuss tasdiqlagan edi. Ammo u bo‘lajak avtomobil haqida hech qanday tafsilotlarni oshkor etmadi.
Izoh (0)