Chevrolet компанияси Германиянинг Нюрбургринг пойга трассасида Camaro купесининг экстремал модификациясини синовдан ўтказишга киришди, дея хабар бермоқда Motor. Синов прототипи Trans Am деб ном олиши кутилмоқда.
Trans Am версияси биринчи авлод Camaro Z/28’да биринчи марта 1960 йиллар охирида пайдо бўлган эди. Бу Trans-Am чемпионатида қатнашиш учун яратилган спорткарлар серияси бўлиб, улар беш литрли саккиз цилиндрли двигатель билан жиҳозланган эди.
Chevrolet Trans Am модификациясини қайта яратиш имкониятини кўриб чиқаётгани ҳақидаги маълумотни ўтган йили General Motors’нинг янги маҳсулотларни глобал тарзда режалаштириш бўлинмаси раҳбари Марк Реусс тасдиқлаган эди. Аммо у бўлажак автомобиль ҳақида ҳеч қандай тафсилотларни ошкор этмади.
Изоҳ (0)