Futbol bo‘yicha Osiyo Chempionlar Ligasining “C” guruhida ishtirok etayotgan Toshkentning “Paxtakor” klubi nimchorak finalga chiqish imkoniyatlarini 5-turdan keyin ham saqlab qoldi. Bu yo‘lda jamoa BAAning “Al-Jazira” klubini safarda 3:1 hisobi bilan mag‘lub etdi.
No‘mon Hasanovning onasi betobligi tufayli “Paxtakor” BAAga bosh murabbiysiz tashrif buyurdi. Shunga qaramay O‘zbekistonning amaldagi chempioni muvaffaqiyat qozondi. Bunga qadar “Paxtakor” safardagi har ikki o‘yinda ham yengilgandi.
Mazkur g‘alabasidan keyin “Paxtakor” ochkolari sonini 7 taga yetkazib oldi. Guruhda ikkinchi bo‘lib turgan Saudiyaning “Al-Hilol” klubida 8 ochko bor. 5-tur tur doirasida “Al-Hilol” o‘z maydonida “Traktorsozi”dan mag‘lubiyat qabul qilib oldi — 0:2.
Chempionlar Ligasining so‘nggi turini “Al-Hilol” 12 ochko bilan guruhda muddatidan avval 1-o‘rinni naqd qilgan Eron klubi maydonida o‘tkazsa, “Paxtakor” Toshkentda “Al-Jazira”ni qabul qiladi. Bordi-yu, Saudiya jamoasi Eronda zafar quchgudek bo‘lsa, qanday natija qayd etishidan qat’iy nazar “Paxtakor” turnirni tark etadi. Toshkent klubi nimchorak finalga yo‘l olishi uchun “Al-Hilol” takroriy bellashuvda ham ochko yo‘qotishi kerak.
Osiyo Chempionlar Ligasi “C” guruhi. 5-tur o‘yinlari 19-aprel, seshanba
“Al-Jazira” (BAA) — “Paxtakor” (O‘zbekiston) 1:3
Gollar: Sherzod Karimov, 10 (0:1). Ali Mabxut, 61-pen (1:1). Igor Sergeyev, 64 (1:2). Igor Sergeyev, 82 (1:3).“Paxtakor”: Nikita Ribkin, Adnan Oraxovats, Azim Ahmedov, Sherzod Karimov (Suxrob Berdiyev, 90+2), Jaloliddin Masharipov (Oybek Qilichev, 88), Igor Sergeyev, Jamshid Boltaboyev, Javohir Sohibov, Kamoliddin Tojiyev, Davron Hoshimov, Vladimir Kozak (Akbar Ismatullayev, 74).“Al-Hilol” (Saudiya Arabistoni) — “Traktorsozi” (Eron) 0:2
Gollar: Nong, 66 (0:1). Xotamiy, 81 (0:2).| O‘ | Jamoa | O‘ | G‘ | D | M | T/N | O |
| 1 | “Traktorsozi” | 5 | 4 | 0 | 1 | 9:1 | 12 |
| 2 | “Al-Hilol” | 5 | 2 | 2 | 1 | 8:6 | 8 |
| 3 | “Paxtakor” | 5 | 2 | 1 | 2 | 7:9 | 7 |
| 4 | “Al-Jazira” | 5 | 0 | 1 | 4 | 2:10 | 1 |
Izoh (0)