Sobiq prezident Alberto Fuximorining qizi, o‘ng markazchilar vakili Keyxo Fuximori Perudagi prezidentlik saylovlarining birinchi turida g‘olib chiqmoqda. Bu haqda ovozlarning 20,1 fozini hisoblab chiqqan mamlakat saylov komissiyasi ma’lum qilgan, deya xabar beradi “RIA Novosti”.
Fuximori uchun saylovchilarning 38,04 foizi ovoz bergan. Ikkinchi o‘rinda texnokrat Pedro Kuchinski (25,48%), uchinchida esa “Keng front” vakili Veronika Mendosa (16,22%) bormoqda. Qonunga ko‘ra, Peruda 18 yoshdan 70 yoshgacha bo‘lgan fuqarolar saylovlarda ovoz berishi majburiy hisoblanadi, shu bois saylovchilar ro‘yxatiga kiritilgan salkam 23 million kishining ishtiroki o‘ta yuqori darajada bo‘ldi.
Agar nomzodlarning hech biri 50 foizdan ortiq ovoz to‘play olmasa, 5-iyun kuni saylovning ikkinchi turi o‘tkaziladi. Unda ikki nafar nomzod o‘zaro kurash olib boradi. Yangi prezident iyul oyida lavozimini egallaydi.
Izoh (0)