Собиқ президент Альберто Фухиморининг қизи, ўнг марказчилар вакили Кейхо Фухимори Перудаги президентлик сайловларининг биринчи турида ғолиб чиқмоқда. Бу ҳақда овозларнинг 20,1 фозини ҳисоблаб чиққан мамлакат сайлов комиссияси маълум қилган, дея хабар беради «РИА Новости».
Фухимори учун сайловчиларнинг 38,04 фоизи овоз берган. Иккинчи ўринда технократ Педро Кучински (25,48%), учинчида эса «Кенг фронт» вакили Вероника Мендоса (16,22%) бормоқда. Қонунга кўра, Перуда 18 ёшдан 70 ёшгача бўлган фуқаролар сайловларда овоз бериши мажбурий ҳисобланади, шу боис сайловчилар рўйхатига киритилган салкам 23 миллион кишининг иштироки ўта юқори даражада бўлди.
Агар номзодларнинг ҳеч бири 50 фоиздан ортиқ овоз тўплай олмаса, 5 июнь куни сайловнинг иккинчи тури ўтказилади. Унда икки нафар номзод ўзаро кураш олиб боради. Янги президент июль ойида лавозимини эгаллайди.
Изоҳ (0)