Meksikaning Gerrero shtatidagi Akapulko kurort-shahri ko‘chalaridan birida 9-aprel, shanba kuni yo‘lovchi avtobusi ag‘darilib ketishi oqibatida 50 kishi jarohat oldi. Ulardan 18 nafarining holati og‘irligi bildirilgan, deya xabar beradi “TASS”.
Hodisa joyiga qutqaruvchilar brigadalari, Qizil Xoch xodimlari va o‘t o‘chiruvchilar yetib kelgan. Barcha jabrlanganlarga tibbiy yordam ko‘rsatilgan, jiddiy jarohat olgan yo‘lovchilar, jumladan, besh yoshli bola kasalxonaga yotqizilgan.
Dastlabki ma’lumotlarga ko‘ra, yo‘l-transport hodisasiga avtobus haydovchisining boshqa avtobusdagi hamkasbi bilan kimo‘zar uyushtirgani va boshqaruvni uddalay olmagani sabab bo‘lgan.
Izoh (0)