Saudiya Arabistonining Jidda shahrida O‘zbekistonning investitsion salohiyatiga bag‘ishlangan taqdimot bo‘lib o‘tdi. Tadbir O‘zbekistonning ushbu shahardagi bosh konsulligi tomonidan tashkil etildi, deya xabar beradi “Jahon”.
Taqdimotda Saudiyaning SIRB: The Angel Investor Network, BaseTech: shaping technology for business innovation, Saudi Aramco va Petro Rabigh kabi yirik kompaniyalari, shuningdek, mamlakat ishbilarmon doiralari va OAV vakillari ishtirok etdi. Ularning e’tibori 2015-yili O‘zbekiston iqtisodiyotiga 15,8 milliard dollar investitsiya kiritilgani, oxirgi 6 yil ichida esa iqtisodiyotga jami 82,8 milliard dollar jalb etilgani va ularning 21 foizdan ziyodi xorij investitsiyalari ekanligiga qaratildi.
Tadbir qatnashchilarida ayniqsa “Navoiy” erkin industrial-iqtisodiy hududi, “Angren” va “Jizzax” erkin industrial hududlari, ularda chet ellik investorlarga yaratilayotgan sharoit va berilayotgan imtiyozlar haqidagi ma’lumotlar katta qiziqish uyg‘otdi.
Izoh (0)