Olimlar kompyuter va televizor bolalarning ko‘rish qobiliyatiga zarar yetkazmasligini ma’lum qildi

Bolalarda ko‘rish qobiliyatining pasayishiga teleko‘rsatuvlar ko‘rish yoki kompyuter o‘yinlari sabab bo‘lmaydi. Ko‘z shifokori Skott Rid shunday xulosaga keldi, deya xabar beradi “Hi-Tech Mail.ru”.

Avstraliyadagi tibbiy anjumanda chiqish qilgan doktor Rid televizor, kompyuter va boshqa gadjetlarning bolalarda ko‘rish qobiliyati pasayishiga ta’siri bilvosita ekanligini ta’kidladi. Uning aytishicha, kompyuter o‘yinlari yoki filmlar ko‘rishga berilgan bola uyida ko‘p vaqtini o‘tkazadi, biroq ekran qarshisida o‘tgan soatlar va uzoqni ko‘rmaslik rivojlanishi ehtimoli o‘zaro bog‘liq emas. 

Buning oldini olish uchun bolalar kuniga kamida ikki soatni ko‘chada o‘tkazishi, uyda esa tabiiy yorug‘lik ko‘proq bo‘lishi talab etiladi.