“Progress M-M” turkumidagi oxirgi koinot yuk kemasi bo‘laklari Tinch okeanining kemalar qatnamaydigan qismiga borib tushdi. Bu haqda Rossiya parvozlarni boshqarish markazi ma’lum qilgan, deya xabar beradi “Interfaks”.
Yuk kemasi 30-mart kuni Xalqaro koinot stansiyasidan (XKS) ajralgan va shu kungacha avtonom parvoz holatida edi.
“8-aprel, juma kuni Moskva vaqti bilan 17:07 da kema atmosferaning qalin qatlamlariga kirdi. 17:17 da uning yonmaydigan qismlari Tinch okeanidagi belgilangan hududga quladi”, — deyiladi markaz xabarida.
“Progress M-29M” transport yuk kemasi 2015-yil 2-oktabridan beri XKS tarkibida bo‘lib, yuk yetkazib berish va stansiya orbitasini o‘nglash vazifalarini bajarayotgandi.
Izoh (0)