Virjiniya oliy sudi qotillik va zo‘rlashda ayblanib, 33 yil qamoqda o‘tirgan 63 yoshli Kit Allen Xarvardni aybsiz deb topdi. Mahbus 8-aprel, juma kuni ozodlikka chiqdi, deya xabar beradi Meduza.
1982-yilda Xarvard erkakni o‘ldirganlik va uning xotinini zo‘rlashda ayblanib, umrbod qamoq jazosiga hukm qilinadi. Xarvard sudda o‘zining aybsiz ekanligini da’vo qilgan, biroq sud buni inobatga olmagandi.
Hukm DNK-test tufayli bekor qilindi: test jinoyat joyida Xarvardning irsiy materiallari yo‘qligini ko‘rsatdi. To‘plangan namunalarda boshqa kishi — Jerri Krottiga tegishli DNK topildi. U 2006-yili qamoqxonada, talonchilik va odam o‘g‘irlashda ayblanib jazo o‘tayotganda o‘lgandi.
1982-yili, qotillik va zo‘rlash amalga oshirilganda Xarvard va Krotti “Karl Vinson” aviatashuvchisida birgalikda xizmat o‘tagan.
Izoh (0)