FlyDubai kompaniyasining Boeing 737 samolyoti Rostov-Donda soatiga 600 kilometrdan ziyod tezlikda, 50 darajadan oshiq qiyalikda qulagan. Bu haqda Davlatlararo aviatsiya qo‘mitasi (DAQ) ma’lum qildi, deya xabar beradi “RIA Novosti”.
“Birinchi qo‘nish jarayonida, 340 metr balandlikda bort tizimidan shamol kuchi va yo‘nalishining keskin o‘zgargani haqida ma’lumot olgach, ekipaj ikkinchi aylanaga ketish to‘g‘risida qaror qabul qilgan va ob-havo o‘nglanishini kutib, aeroport hududida parvozni davom ettirgan. Qayta qo‘nishga urinish chog‘ida, 220 metr balandlikda, uchish-qo‘nish maydoniga 4 kilometr qolganida ekipaj samolyotni yana ko‘kka ko‘tarib, dvigatellarni parvoz tartibiga o‘tkazadi”, — deyiladi DAQ xabarida.
Qo‘mitaning bildirishicha, ekipajning kelgusi harakatlari havo kemasining yer bilan to‘qnashuvining oldini ololmagan va soatiga 600 kilometr tezlikda fojia yuz bergan.
Izoh (0)