Barak Obama Rossiya prezidenti Vladimir Putin bilan uchrashuvlaridan birida uni OAV senzurasida ayblagan. Bu haqda AQSh rahbari Vashingtonda, jurnalistlar bilan kechki taom ustida eslatib o‘tdi, biroq mazkur uchrashuv qachon bo‘lganiga aniqlik kiritmadi, deya ma’lum qiladi Meduza.
Obamaning aytishicha, Putin uchrashuvda AQSh tashqi siyosati tahlil etilgan maqola haqida gapirib o‘tgan. Bunga javoban Obama shu kabi materiallar gazetalarda chop etib borilishi, AQSh ma’muriyati, Rossiya rasmiylaridan farqli ravishda, materiallar mazmunini nazorat etmasligini bildirgan.
Ma’lumot uchun, 2015-yili Rossiya “Chegara bilmas reportyorlar” xalqaro tashkilotining matbuot erkinligi reytingida 152-o‘rinni egallagan.
Izoh (0)