Барак Обама Россия президенти Владимир Путин билан учрашувларидан бирида уни ОАВ цензурасида айблаган. Бу ҳақда АҚШ раҳбари Вашингтонда, журналистлар билан кечки таом устида эслатиб ўтди, бироқ мазкур учрашув қачон бўлганига аниқлик киритмади, дея маълум қилади Meduza.
Обаманинг айтишича, Путин учрашувда АҚШ ташқи сиёсати таҳлил этилган мақола ҳақида гапириб ўтган. Бунга жавобан Обама шу каби материаллар газеталарда чоп этиб борилиши, АҚШ маъмурияти, Россия расмийларидан фарқли равишда, материаллар мазмунини назорат этмаслигини билдирган.
Маълумот учун, 2015 йили Россия «Чегара билмас репортёрлар» халқаро ташкилотининг матбуот эркинлиги рейтингида 152-ўринни эгаллаган.
Изоҳ (0)