Shimoliy Koreya harbiylari qurolsizlantirilgan hududning g‘arbiy qismida uchuvchisiz havo qurilmalaridan bot-bot foydalanmoqda. Bu haqda “RIA Novosti” xabar berdi.
Yonhap ma’lumotlariga ko‘ra, Janubiy Koreya tomoni har kuni KXDRning 7-8 droni parvozini qayd etadi va ular asosan qurilmalarni uchirish hamda qo‘ndirish sinovlaridan iborat bo‘ladi. Seulning ta’kidlashicha, mazkur dronlar harbiylarni chalg‘itish yoki frontning g‘arbiy qismiga e’tibor qaratib, boshqa hududlarda jangovar harakatlar olib borish uchun to‘satdan Janubiy Koreyaga uchirilishi mumkin.
KXDR razvedka va zarba berish uchun mo‘ljallangan taxminan 300 ta uchuvchisiz havo qurilmasiga ega, ularning ayrimlari Xitoyda ishlab chiqarilgani aytilmoqda.
Izoh (0)