Liviyaning yangi konstitutsiyasi xalqqa referendumda tanishtiriladi, shundan so‘ng hujjat mamlakat asosiy qonunini ishlab chiqarish uchun mas’ul davlat organining barcha a’zolari tomonidan tasdiqlanadi. Bu haqda 20-mart, yakshanba kuni BMT bosh kotibining Liviyadagi maxsus vakili, BMTning Liviyani qo‘llab-quvvatlash bo‘yicha missiyasi rahbari Martin Kobler ma’lum qildi, deb yozadi “TASS”.
U Ummon hududida ekspertlarning Liviya konstitutsiyasi loyihasi ustida boshlagan ishini izohlar ekan, “barcha tomonlarni Liviya va keyingi avlod uchun kelajak yaratishga qaratilgan kayfiyatda bo‘lish”ga chaqirdi. “Konstitutsiya — bu Liviyaning kelajagi, va hamma uning ustida ishlashi kerak”, — deya ta’kidladi u.
Kuzatuvchilar fikriga ko‘ra, Liviyaning yangi konstitutsiyasi siyosiy plyuralizm va hukumatning tinch yo‘l bilan o‘zgara olishi tamoyillarini e’lon qiluvchi bandlarni o‘z ichiga olishi kerak.
Izoh (0)