O‘tgan yil mart oyida halokatga uchragan Germanwings A320 samolyoti qurbonlari yaqinlari mazkur loukoster egasi bo‘lgan Lufthansa aviakompaniyasiga qarshi da’vo qo‘zg‘ash niyatida. Bu haqda “Kommersant” xabar bermoqda.
Da’vogarlarning ta’kidlashicha, aviakompaniya rasmiylari harakatlari halokatga olib kelgan ikkinchi uchuvchi Andreas Lyubitsga transport vositasini boshqarishga umuman ruxsat bermasligi kerak edi.
Eslatib o‘tamiz, oldinroq aviahalokat sabablarini o‘rganish bilan shug‘ullangan Fransiyaning BEA agentligi ikkinchi uchuvchi bo‘lgan Lyubits kabinada bir o‘zi qolgach, havo kemasini atayin toqqa yo‘naltirgani to‘g‘risidagi dastlabki versiyani tasdiqladi. Ekspertlar, shuningdek, Lyubitsda salomatlik bilan bog‘liq muammolar bo‘lganini ham tasdiqladi.
Izoh (0)