Braziliyaliklarning qariyb 70 foizi prezident Russeffni iste’foga chiqarish tashabbusini ma’qulladi

Braziliya prezidenti Dilma Russeffga nisbatan impichment qo‘llash tashabbusini mamlakat aholisining 68 foizi qo‘llab-quvvatlaydi. “TASS” xabariga ko‘ra, bu haqda Datafolha ijtimoiy markazi tomonidan o‘tkazilgan so‘rov natijalari ma’lumot berdi.

So‘rovnoma natijalariga ko‘ra, braziliyaliklarning 27 foizi impichmentga qarshi. Fevraldagi xuddi shunday so‘rovnoma aholining 60 foizi davlat rahbarining iste’fosini ma’qullashini, 33 foizi esa bunga qarshi ekanligini ko‘rsatgan edi.

Tadqiqot davlat rahbarining o‘z xohishiga ko‘ra iste’foga chiqishini ma’qullovchi braziliyaliklar soni fevralga nisbatan 58 foizdan 65 foizga o‘sganini ko‘rsatdi. So‘rovnomada Braziliyaning 171 munitsipalitetidan 2794 kishi ishtirok etgan.