Rossiya Iroqdagi kurdlarga beshta “ZU-23-2” zenit qurilmalarini yetkazib berdi, deb yozadi “RBK”. Partiya Rossiyaning Iroqdagi elchisi, Rossiya bosh konsuli va kurd lashkarlari bosh shtabi rahbari o‘rinbosari ishtirokida topshirildi.
Iroqning Erbil shahridagi Rossiya bosh konsulxonasi attashesi Artyom Grigoryan so‘zlariga ko‘ra, qurollar partiyasi 14-mart kuni yetib kelgan. Qurilmalardan tashqari, iroqlik kurdlarga ular uchun taxminan 20 mingta o‘q-dori topshirilgan. Grigoryan aniqlik kiritishicha, “bu birinchi partiya emas, balki to‘rtinchi yoki beshinchisi bo‘lgan”.
“Interfaks” Rossiyaning Iroqdagi elchixonasidagi manbasiga tayanib xabar berishicha, qurol yetkazilishi Yaqin Sharq mamlakatlari hukumatlari bilan hamjihatlikda amalga oshirilgan. Manba aniqlik kiritishicha, Rossiyaning Erbildagi bosh konsulxonasi Rossiya quroli kurdlarga bundan keyin ham yetkazib berilishiga umid qilmoqda.
Izoh (0)