Россия Ироқдаги курдларга бешта «ЗУ-23-2» зенит қурилмаларини етказиб берди, деб ёзади «РБК». Партия Россиянинг Ироқдаги элчиси, Россия бош консули ва курд лашкарлари бош штаби раҳбари ўринбосари иштирокида топширилди.
Ироқнинг Эрбил шаҳридаги Россия бош консулхонаси атташеси Артём Григорян сўзларига кўра, қуроллар партияси 14 март куни етиб келган. Қурилмалардан ташқари, ироқлик курдларга улар учун тахминан 20 мингта ўқ-дори топширилган. Григорян аниқлик киритишича, «бу биринчи партия эмас, балки тўртинчи ёки бешинчиси бўлган».
«Интерфакс» Россиянинг Ироқдаги элчихонасидаги манбасига таяниб хабар беришича, қурол етказилиши Яқин Шарқ мамлакатлари ҳукуматлари билан ҳамжиҳатликда амалга оширилган. Манба аниқлик киритишича, Россиянинг Эрбилдаги бош консулхонаси Россия қуроли курдларга бундан кейин ҳам етказиб берилишига умид қилмоқда.
Изоҳ (0)