AQShda shoir Sergey Yeseninning o‘g‘li, taniqli huquq himoyachisi Aleksandr Yesenin-Volpin 92 yoshida vafot etdi. Bu haqda “RBK” xabar bermoqda.
Yesenin-Volpin 1924-yilda Leningradda tug‘ilgan. 1949-yili birinchi bor aksilsovet she’rlari uchun ruhiy kasalliklar shifoxonasiga joylashtirilgan, so‘ng Qarag‘andiga surgun qilingandi. 1953-yilda oqlangan.
1965-yilda “Oshkoralik mitingi” tashkilochilaridan biri bo‘lgan, oradan uch yil o‘tib yana ruhiy kasalliklar shifoxonasiga yuborilgan. U yerdan chiqqach Rossiyani tark etgan va AQShga kelgan.
Uni yaqindan bilgan safdoshlari va shogirdlari Yesenin-Volpin sobiq Ittifoqdagi huquq himoyachilari harakati asoschisi, shuningdek, yirik matematik bo‘lganini ta’kidlagan.
Eslatib o‘tamiz, Sergey Yeseninning qizi, jurnalist va yozuvchi Tatyana Yesenina 1942-yildan boshlab O‘zbekistonda 50 yil davomida yashagan hamda “Pravda Vostoka” gazetasida mehnat qilgan.
Izoh (0)